Ka nisur në sheshin e Prishtinës protesta e paralajmëruar me anë të së cilës qytetarët po e kundërshtojnë shtrenjtimin e rrymës, të propozuar nga Zyra e Rregullatorit për Energji.

Protestuesit janë nisur nga sheshi “Zahir Pajaziti” në drejtim të Qeverisë së Kosovës, shkruan arbresh.info

Një qytetar i mllefosur u ndal para mikrofonit të arbresh.info, ku u pyet se sa ka paguar rrymën këtë muaj.

“Këtë muaj se kemi pagu me rritje, po vet i gjashti jam në shtëpi, katër femra e dy meshkuj, nëse e shohin të arsyeshme mos me u la kurrë me na mlu morrat, le te vazhdojnë të na shtrenjtojnë  rrymën”- u shpreh qytetari.

Tutje ai tha se këtë vendim e ka pritur shumë keq, pasi është 60 vjeçar dhe i papunë.

Si përfundim protestuesi tha se të shtunën e ardhshme me PSD-në do të dalë përsëri në protestë.

Në fund, protestae sotme u shpall e mbyllur me paralajmërimin se “ne nuk do të ndalemi”. / arbresh.info/